Chesta paggena è stata leggiuta.
234
piccola borghesia
— Ndlì, ndlì... —Chi è? —Signò, nc'è stu signore...
Vene p' 'a casa... —Ah! favurisca, entrate...
Veramente... mò so' passate ll'ore...
Da l'una a 'e quatto... —E nun v'incomodate
— Gniernò, facitencello pe ffavore!
Signò, trasite si no nun turnate!
(Ma vi' che brutta vecchia d' 'a mmalora!)
— Embè, perdono 'e comme nce truvate...
Vedete... Nc'è sta camera ch'è stretta...
Una finestra, e dà a settentrione...
Chillo è 'o passetto, e 'o chiammano saletta...
Guardate: nci ho piazzato nu lettino...
Capirete, cu st'anema 'e piggione!
E nce dorme mio figlio Custantino.
