Chesta paggena è stata leggiuta.
235
piccola borghesia
Po', nun ve dico niente, 'e mmalattie
ch'ho prese in questa casa! Mia cognata
da 'o primmo 'e ll'anno, sta sempe malata!
Sti càmmere sò ttanta farmacie!
Mia figlia, 'a primma, chella maritata,
ch' 'o marito sta abbasso 'e fferrovie,
sta sempe a letto tutta costipata...
E nun sarebbe il caso 'e di' bbuggie!
Nce stà sultanto 'e buono una stanzetta...
— Questa? —Gnorsì, ma è troppo piccolina!
Addò mettete 'o letto? È tanto stretta!
Qua sta nu stipo a muro... Quà 'a cucina...
E chesta è tutta 'a misera casetta...
'A piggione, 'a sapete? È na ruvina!
