Chesta paggena è stata leggiuta.
22
Mo' nun c'è niente cchiù. S'è ribbazzato ¹)
da tanto tiempo chillo brutto androne...
A chesto ognuno cchiù nun ha penzato
e so' squagliate tutt' 'e 'mpressione.
Nun se ne parla cchiù. Se n'è scurdato
ognuno 'e chisti fatte; stu mammone
c' 'a notte asceva... sarrà scapezzato...
Se songo spierze, e hanno fatto buone!
Mo' nce sta 'a Strata Nova ²). E llà vicino
nce pass' 'o trammo, nce hanno fravecato,
e scorre pure ll'acqua d"o Serino...
Quacche spavaro, sotta sott' 'e mmura,
fatica ancora 'e renza ³) a lu ffilato...
Ma cchiù a nisciuno lle po' fa paura!
