Chesta paggena è stata leggiuta du' vote e mo è fernuta.
262
PICCOLA BORGHESIA
II.
Parva favilla !... E voi, caro dottore,
scommetto ca ’o ssapite meglio ’e me!
Mo’ n’ ’o vonno pagà, nu prufessore!
So’ cinco lire ’a visita? Ma che!
Dint’ ’a casa, ’o malato se ne more,
pecchè pure, dicìmmela comm’ è,
l'affidano a un qualunque nzagnatore
ca non va zero e se cuntenta ’e tre!
Tale e quale il divorzio! E per lo sfizzio
di fare i progressisti, — io 1’ ho notato! —
lloro stesse s’ ’o fanno, stu servizzio!
Ma Zanardelli, il cielo sia lodato,
tanno s’ ’o leva, chisto brutto vizzio,
quanno nce perde ’o puorco e ’o se’ ducato!
