Chesta paggena è stata leggiuta.
—Signò, nuie nun avimmo fatto niente,
lassatem'i' ca tengo 'a criatura!
Puzzat'aunnà!...—Silenzio!—Cuncè, siente,
dincello a mamma, n'avesse paura!
Signò, quanto ve preco...!—P'intramente
trasite cquà... N'importa, state, 'ascura...
Annamo! Lesta!!... Su!!!—Lè! Tiene mente!
Nun manià! Stu guardio r''a Mistura! ¹)
—Eh! eh! Nennè, stai zitta, sa', per dio,
se nno vai male! Hai nteso al dilligato!
Stateve a posto ca se no so' guai!...
—Bello figliù, verite, 'un so' stat'io!
Chi teneva 'o curtiello?... T' 'e nfurmato?!
—E fatti visita'! Che pavur' hai?!
