Chesta paggena nun è stata leggiuta.
’E TTRE CARTE 1)
— A rossa venge ! 'A rossa venge ! 'A rossa
venge !... A la rossa ! A la rossa !... Jucate!
Chi vo’ punta na lira? ’A guaragnate!
E uno e duie, e tre !... Rinto a na mossa !
Guagliù sfullate ! Piccerì, sfullate !
Nce vulite fà fà ? Mannaggia l’ossa
caruliate ’e chi v’ ha vattiate !... 2)
’A rossa venge !... A la rossa ! A la rossa !...
Patrio' !.. Vuò jucà’... ? Meza liretta !
Jammo! È nu juoco fatto! E uno! E duie!..
E... uno !... E... duie !... Ehilà !... Mo’ si’ purpetta !
’A rossa è chella ’e miezo ! E chella è ’a vera!...
Alzammo ’a carta! Jammo bello!... A nuie!...
— (Cioh ! Varda, sacrrr !... L’è la carta nera !...)
