Chesta paggena è stata leggiuta.
—E te nne vaie o no! Isso faceva...
Che ffacive? Sta zoccola 'e samente! ¹)
—C'ha ritto? Ma che ssa', che Dio vuleva!
—Fancillo, nu pernacchio, pe ttramente!
—N' 'o vulimmo!—Vattenne!—Che diceva?
—Macone è il mio signor vero e potente!
—Cacciatennillo a chisto!—Mo' 'o cuglieva
'a scorza 'e pigna! Uh Dio, guè, tiene mente!
—Sciù...—Vattenne!...—Na preta...! Peccerì!
cioncate ²), 'a lloco ncoppa! Nun menate!
Vuije l'arapite, 'a capa, a quaccheruno!
—Mannatennillo!...—Ma n' 'o facit' i'?
—Puorco!—Ca nuie v' 'o rumpimmo, 'o triato!
Nun ne vulimmo sentì cchiù nisciuno!
