Chesta paggena è stata leggiuta du' vote e mo è fernuta.
48
sunettiata
III.
— ’A rebbreca 1) l’ha fatta? — E che sapimmo!
— Giesù! Me venarrà n’appietto ’e core!
— Neh! belli ffè! Curaggio! ’Un ce avvelimmo!
— Uh, meno male! Ccà sta ’on Salvatore!
— Embè, si nce avvelimmo che facimmo?
— L’ite ntiso?... — Aggio ntiso nu rummore,
e so’ sciso d’ ’o lietto. Me’, nce simmo,
è terramoto! E songo asciuto fore.
’O tavulino m’abballava nnanza...
È stata cosa ’nu miezo minuto...
E me songo vestuto mmocca ’a stanza...
Vuluntà d’ ’o Signore, ’un c’è che ffa!
Ma dateve curaggio ch’è fernuto!
Jammoncenne, turnateve a cuccà!
