Chesta paggena è stata leggiuta du' vote e mo è fernuta.
53
sunettiata
III.
(dint’ ’o cafè)
– Santa notte!... Patrò! Nu mezzo ¹) doce,
’o Pungolo ’e stasera e nu cerino!
– (Arrassavete!... ²) ’I c’ommeno feroce!
Ccà mo’ se magna pure ’o tavulino!)
– Vuie riciarrate ca ve metto ncroce,
ma so’ mmeticuluso e naso fino...
Me capite?... ’O ccafè voglio ca côce!
Me servarrebe po’... nu pagnuttino!...
Nun è, che ssa’, c’avesse ntenzione,
comme fosse, ’e risprezzo, p’ ’o luquale ³),
ma nun è mai superchia, ’attenzione!
Pecchè, rico accussì, rico, verete:
Quann’ ’o niòzzo se cumporta male
e nun è appurtunèbbole, nchiurete!
