Chesta paggena è stata leggiuta.
55
sunettiata
II.
(mmocc’ ’o vascio)
– Neh Russolè, stu scialletiello niro
quann’ ’o fernisce? ’O tiene mmano ’a n’anno!
– Ahah...! – Chisto, guè, se po’ chiammà suspiro!
Pare ’o suspiro d’ ’o Paperascianno! ¹)
– E ggiro e ggiro e ggiro e sempe ggiro...
– Neh Russolè, ma pe chi staie cantanno?
– Lèvate ’a nanze! Me manca ’o rispiro!
Uffà! – Chedè! Ma che? Te sto apprettanno?!
Tiene ’a cimma ’e scerocco, ²) stammatina,
o pure ’o nnammurato t’ha lassata?
Sta ncuietata, donna Marmuttina!
– Ma tu che buò, Nannì? Lasseme sta!
Tengo delore ’e capo... sto malata...
Fallo pe Ddio!... E nun me fa alluccà!
