Chesta paggena è stata leggiuta.
59
sunettiata
RASULATA
— cH' è stato neh nennè?... — Maronna mia!
l'hanno tagliata 'a faccia!... — Miezz' a via
chesta nun ce po' sta!... — Na carruzzella!...
Jate a cercà na seggia 'a siè - Zufia!...
Vi' che ll' ha fatto, povera tetella!...
— Chi si'? Comme te chiamme?... — 'A pulezzia!...
— Fermi!... Che fu?... C' ha fatto st' angiolella? !...
— N' è niente, bricatiè... Na rasulata...
— Isso se n' è fuiuto... — Mbe, va bene !...
È no scippetto... No? Sangue de Dio!
Vedimo... Proprio bbona ll' à ffregata!...
Chiama na carrozzella lei!... Mbè, viene,
Coraggio, su, nennè!... Ce penzo io!
