Chesta paggena è stata leggiuta.
67
sunettiata
'O SSOLETO
— Don Ciccio Spaccacreta è murto acciso
dint' a nu vico abbascio 'o Lavenaro...
Ma chillo, già, fetèa d' essere mpiso!...
M' 'ha cuntato don Cuosemo 'o scarparo.
L' ha acciso 'o Russo. — Cì! Sa' che t' aviso?
lle dicette — N' 'o ssaie? E mo' t' 'o mparo!
Te faccio rummanè cca nterra stiso,
e perdimmo Felippo e 'o panaro!
Che ssa! dice ca Ciccio ncuietava
'a nnammurata 'e chillo... N' arravuoglio,
nu pasticcio... Faceva 'o farenella...
Chell' auta po'! Primmo s' 'o pazziava,
po' jeva arrecurreno... 'A lloco 'o mbruoglio!
Nu muorto acciso e n' auto int' 'e ccancella.
