Chesta paggena è stata leggiuta.
81
poemetti del cuore
L’ ORA D’ ’O SOLE
Siente: quanno a chest’ ora ’a miezo all’ albere
se ferma nfaccia a te stu raggio ’e sole,
e sti capille e st’ uocchie tuoi te luceno
comma te luce ’a vocca p' ’e pparole,
io te guardo ncantato! E me fai credere
ca overamente si’ l’ ammore mio,
ca overamente a me m’ ’e data l’ anema,
ca overo 'ncielo nce ha da sta nu Dio!
Che desiderio de vasarte ancora!
Che desiderio, ancora, 'e te sunnà!
Tu me si' nnammurata e me si' sora!
Damme sta vocca, ca me fa tremmà!
Dimme ca me vuò bene! 'O vvoglio sentere
pe tramente te stregno e te suspiro!
Nun te stancà! Nun te stancà d' 'o dicere,
si no stu cielo m'addeventa niro!
