Chesta paggena è stata leggiuta.
86
poemetti del cuore
II.
’O sole, pe dint' 'o ciardino
da dò quanno viene io te veco,
s’ accosta e me vene a vasà;
e pare ca dice: — « Mò vene!
Aspettala, ca te vò bene,
e soffre de farte aspettà! »
E l' uocchio se perde luntano,
spianno ogne forma ca passa,
e 'o core l' arriva e l' appassa,
speranno e dicenno: « Si' tu! »
Ma correno ll' ore... E già tarde;
e sento 'o cerviello che m'arde,
e penzo ca nun viene cchiù!
