Chesta paggena è stata leggiuta.
88
poemetti del cuore
II.
Vocca, ca ride comme ride 'o sole
e si’ cchiù fresca ’e ll’ aria d’ ’a matina,
e c' ’o sapore doce d’ ’a curvina
me puorte ’addore ca me fa sperì;
vucchella mia, ca quanno vase accide
pecchè nu vaso tuio murì po’ fare,
tu, sapurita comm’ ’e frutte ’e mare,
pigliate 'a vita ca te do’ accussì!
III.
Vocca, ca pare n' uocchio ca me guarda
quann' io te canto chist' ammore mio:
vocca, guardata mmocca pe gulìo,
buttone 'e rosa 'e copp' a nu buchè;
vocca d 'ammore tutt' appassiunata
ca quanno vase si' na lampa 'e fuoco,
torna a vasarme, sulo n'ato ppoco,
quanto m' abbasta pe murì pe tte!
