Chesta paggena è stata leggiuta.
93
poemetti del cuore
Che sentevo? Che pruvavo?
Core mio, n' 'o ssaccio di'!
Rispunnette, appena appena:
— Io te voglio bene... Sì...
Ncap' a nui splenneva 'a luna,
nnanz'a nui luceva 'o mare...
Cchiù vicino io me facette,
pe guardà chill' uocchie rare,
e, tremmanno e spasemanno,
senza di' comme e pecchè,
te vasai chella vucchella,
te strignette 'npietto a me!
Core mio, nun me cacciaste!
Core mio, nun rispunniste!
Me vasaste! Me vasaste!
Me vasaste, e nun rediste!
Io chiammavo 'o nomme tuio,
e cu 'o core t' abbracciava;
e stu core tuio sentevo
ca cu 'o mio s'abbandunava...
