Chesta paggena è stata leggiuta.
96
poemetti del cuore
A nu tratto Essa, nciampanno,
se fermaie e facette: — Ah!..
Po’ redenno s'acalaie
e sceppaie tutt' 'o vulà.
Chella striscia rummanette
dint’ ’o scuro, mmiezo ‘a via...
Me parlava! Me diceva
mille cose !... N’ armunia!
« Tu me lasse abbandunata
« e me guarde... E che vuo’ fà?
« E quann’ Essa m’ ha stracciata,
« nun t' 'e ntiso palpetà?...
« Nun te muove? Nun m' aize
« da ccà nterra? È nu peccato!
« Tu, ca d'Essa, accussì bella,
« te si' ttanto nnammurato?
« Mo' so' ancora janca! E ancora
« songo d' Essa, e aspetto a te...
« Nun me piglie? E che succede?
« Che sarrà, dimane, 'e me?
