Pul. Vuò sapè la verità, io si non m’arraggio non pozzo duellà, dimme pecchè nc’appicecammo, ca accossì me nfumo, e t’accido.
Lop. E bene, io uccisi vostro fratello.
Pul. Tanto poteva essere, che isso accedeva a te, ed era lo stesso, ncopp’a chesto non me ce pozzo piglià collera.
Lop. Amoreggiai con vostra sorella.
Pul. E essa non se fosse fatta amoreggià.
Lop. Ma voi non vi sdegnate?
Pul. E che buò sdegnà.
Lop. Dunque non ci batteremo?
Pul. io so fatto accossì, non so tanto facete ad arrangiarme. Dimme quatto mmale parole , che accossì po essere che me nfoco e tira mano. (Vide che aggio da fa pe piglià tiempo, e chillo mpiso no bene).
Lop. E bene voi siete un vile.
Pul. No vile, sissignore.
Lop. Un melenso.
Pul. Sfelenzo e miezo.
Lop. Un codardo!
Pul. Coda de lardo! Tira mano.
Lop. A noi.
Pul. Ponta nterra
Lop. Che fu?
Pul. Tu cumm’è ditte?
Lop. Che siete un codardo.
Pul. Ah, io aveva ntiso coda de lardo va buono.
Lop. Ma D. Giovanni voi non vi alterate mai?
Pul. E comme m’aggio da alterà, si tu dice sempe la verità.
Lop. Non ho più sofferenza. A noi.
Pul. (E bi chillo mariuolo si vene.) Ma tu sai con chi combatti?
Lop. Lo so.
Pulc. Combatte co D. Giuvanne, (gridando)
Lop. Lo so non gridate
Pulc. Tu sai chi è D. Giovanni? (gridando).
Lop. Lo so.
Pulc. Non sai lu valore de D. Giovanni?