Pul. Gnorsì. Po me dicette, se io avesse da pittà n’accìso, a te pittarria, pecchè nne tiene la faccia.
Gio. Come! E non te ne risentisti?
Pul. E perchè mme n’aveva da risentire?
Gio. Perchè disse che avevi la faccia di un ammazzato.
Pul. No scamazzato. N’acciso, chillo bello figliulo che mirannose dint’a l’acqua se nnammoraie d’isso stesso.
Gio. Narciso vuoi dire.
Pul.> Gnorsi.
Gio. E bene?
Pul. E bene, dicette io: pittame quanno è chesto; tanno mme dicette; miettete in Quinto Curzio.
Gio. No, ti avrà detto Tito Livio.
Pul. In Quinto Curzio, accossì, (si mette in posizione)
Gio. In iscurcio vuoi dire?
Pul. Scolurcio, gnorsì.
Gio. E bene.
Pul. Pigliaje nu penniello fino fino.
Gio. Pennello ad occhio?
Pul. Cchiù fino.
Gio. Pennello a miniatura?
Pul. Cchiù fino.
Gio. Ma pennelli più fini di questi non ve ne sono,
Pul. Gnorsì, pigliaje lo penniello de masto Francisco lo Fravecatore, e in doje botte zaffe zaffe mme facette lo ritratto. Io me lo contemplava, vedeva che lo naso mio era chiù profilato de lo tujo, la vocca era cchiù piccerella, la faccia chiù aggraziata, e lo fronte cchiù calluso; pe farte no piacere, tu mme diste la lettera aperta pe metterce lo ritratto dinto, e darla a lo Corriere, io invece de lo tujo nce mettette lo mio.
Gio. Ah scellerato! Ti voglio uccidere... Come! questo facesti? E che avrà detto D. Leonora in vedere il tuo orrido ceffo?
Pul. Avrà ditto che s’è nnammurata de me.
Gio. Ecco l’effetto del cambio del ritratto. Si avrà trovato un altro amante. Giacché tu facesti lo sbaglio, tu voglio che ne porti la pena, perciò in questo momento ti ordine di portarti in casa di D. Alfonso, e siccome ti crederanno D. Giovanni per l’anticipazione del ritratto così dirai che tu sei D. Giovanni d’Alverado, io in-