Chesta paggena è stata leggiuta du' vote e mo è fernuta.
III.
Ve l’aggia di’! Me basta na parola,
nu signale, na mossa, na guardata!
E chest’anema ardente e nnammurata
vicino ’o core vuosto se ne vola!
Dicitemmella, na parola sola!
Mannatemmella, na meza mmasciata!
Nun costa niente, na parola amata,
e stu core scuieto se cunzola!
Ah, quant’ è bella, dopp’ ’a notta nera,
n’alba rusata cu na lenza ’e sole
e doppo ’o vierno ’a luce ’e primmavera!
Che pienze, core mio? Comme vuo’ fa?
dimmelle sulamente doie parole,
ca sulamente tu, me puo’ sanà!
— 9 —
