Chesta paggena è stata leggiuta du' vote e mo è fernuta.
E chesta è ’a scala pe ddo’ so’ sagliuto
pe correre addu te, Turmiento amato!
Nce so’ arrivato, ma nce aggio patuto
comm’a Giesù, ca tanto ha suppurtato!
E chesta è ’a scala, pe ddo’ so’ sagliuto!
E chesta è ’a spugnetella ’e fele amaro,
ca m’avvelena ’o suonno mio d’ammore!
Ah suonno turmentuso, ah suonno caro,
ah suonno eterno, suonno ngannatore!
E chesta è ’a spugnetella ’e fele amaro!
Sciore adduruso de l’ammore mio,
siore cianciuso ca murì me fa,
si nun me siente, tu nun siente a Dio!
Guardeme assai e nun me fa dannà!
Sciore adduruso ’e chisto core mio,
sciore cianciuso ca murì me fa!
— 37 —
