Chesta paggena è stata leggiuta du' vote e mo è fernuta.
E so’ turnato ’a casa e t’aggio scritto,
e ’a carta ’e chianto amaro s’è ammacchiata!
E t’aggio apierto ’o core, e t’aggio ditto
quanto, st’anema mia, t’ha suspirata!
Io stesso, tristo, appaurato e afflitto,
so’ ghiuto ’a posta e ’a carta aggio mpustata,
e ’o juornò appriesso, sulo e zitto zitto
me so’ fermato nnanz’ ’a cancellata...
Ma nterra llà (chi me l’avesse ditto!)
aggio truvato ’a lettera... stracciata!
— 78 —
