Paggena:Spassatiempo 1875 n.004.djvu/1

Chesta paggena è stata leggiuta.

Anno I. — Nummero 3

Costa UNO Sordo

Esce ogne Dommeneca

LO SPASSATIEMPO

VIERZE E PROSE

	FATTE
	Pe n’anno	L. 3,00
	Se mise	1,75
	No nummero scurzo	C. 20

NOVE E BECCHIE

DE LUIGI CHIURAZZI E D’AUTRE

L’associaziune se fanno a Napole, a lo Llario de le Pigne, mo, Chiazza Cavour 47.

Lettere, vaglie, manoscritte, tutte ntestate e affrancate a lo direttore L. Chiurazzi.

Napole 28 Marzo 1875

LO CASTAGNARO

Vi che castagne caude,
  Viscuotte e sosamielle;
Guagliò, vì comme addorano,
  So grosse, accattatelle.
    Ca no nne truove fracete,
      Non dico na buseja:
      Che nne vuò fa lo zuccaro;
      Sò de Santamaria!
        Nce tuorne se le mmagne:
      Vì ccà, vi che castagne!

STORIA DE NAPOLE ⁽³⁾

SPALEFECATA A LO VASCIO PUOPOLO

da luigi chiurazzi

(Vide lo nummero passato)

⁠D. Doppo la morte de Costantino che ne succedette?
⁠R. Li figlie de Costantino nzieme co autre arede spartetteno l’antico mperio ntre parte, e po dop-

Te chesta, te, te, guardala,
  Pare no vișcottino;
  Si mà, di se na veppeta
  Non ce vo ccà de vino?
    T’avuote, o no, mmalofeca!
      Non bide? o non ce siente?
      N’àje pe no sordo sidece,
      E no nne jette niente.
          Nce tuorne se le mmagne:
        Vì ccà, vì che castagne!

Mallarma de lo cuofeno,
  Uh! comme fommechea;
  Lle mmane me fa cocere;
  Ohje nè, non se pazzea!
    So ppalle, comme volleno,
      So bere raffiuole,
      Fatte mme ll’ha Pintauro;
      Tu vì che mostacciuole.
          Nce tuorne se le mmagne:
        Vì ccà, vì che castagne!

Te, piglia chesta mmoceate,
  Schitto pe le pprovare:
  Nennè, fa priesto, smuovete,
  E non le cchiù guardare!…
    Me stive a fa la spruceta,
      Pe fareme alluccà?
      Non ghì de pressa, cancaro,
      T’avisse d’annozzà!
          Nce tuorne se le mmagne:
        Vì ccà, vì che castagne!

Luigi Chiurazzi

po ndoje parte, e lle dettero li nomme d’oriente e d’occidente: mperò lo mperio d’oriente tenette cchiù longa vita, e chillo de l’occidente facette subbeto subbeto na brutta caperiola. A chesto li princepe e li protanquanco che covernavano la Talia e le Gallie e tutte l’autre provincie che l’appartenevano, se detteno a la debosciatezza e a tale vizie che non curajeno niente chiù. L’abitante de l’Aropa settentrionale vedenno chesto, passajeno pe li vuosche destrutte che stevano attuorno a li sciumme e a le montagne commogliate de continovata neve, che le spartevano da li paise de lo miezo-