Chesta paggena è stata leggiuta.
121
Atto terzo
Assunta
Chiano chiano è fatto ’o munno, sora mia; pe mo cuntèntate ’e chesto.
’A sie’ Cuncetta
Càspito!
Nicola
E ’o cchiù nicessario.
Si’ Francisco
(a Margarita, preoccupato) Ma, cher’è? Nun te fide? Tu tiene na faccia!
Assunta
E dàlle. Afforza ’a vulite fa’ sta’ malata.
Margarita
(scherzosa) Mm’aggio ’accattà nu curniciello p’ ’e maluocchie!… (guarda il padre, gli chiude, con una carezza, il viso nelle sue mani).
’A sie’ Cuncetta
(a Francisco) Stammatìna, appena te ne si’ ghiuto l’à pigliato n’ata vota chillu giramento ’e capo…
Si’ Francisco
Hê visto?! (a Margarita) E t’hê vevùto ’a medicina?
