Chesta paggena è stata leggiuta.
152
Storia vecchia
Rosa
Scicco! Proprio scicco… È ove’, ’on Anto’?
Don Antonio
Na cosa molto gentile!
’A sie’ Cuncetta
(da uno scatolo, ch’è nella stessa cassetta, toglie un paio di scarpette nere, per donna) Cheste nce ll’à rialàte Francisco. Ddoie pare: chelle che tene o’ père, e cheste pa primm’asciuta.
Rosa
Ll’ à fatt’isso?!
’A sie’ Cuncetta
(sorride orgogliosa) E chi ’e ffaceva?!
Don Antonio
Eh… eh! Cu ’e fibbie ’e brillante… Se capisce: Margaretella soia!
’A sie’ Cuncetta
Chillo travede pe ’sta figlia, è na pazzìa. ’O ssapite c’aiere faticava e lle scappaveno ’e llacreme 'a ll’uocchie?! Franci’, ch’ è stato?! Io me pigliaie na paura… Isso mme rispunnette: "Mo perdimmo a Pezzentella! Ce lassa…"
