Si’ Francisco
S’è spurtusato tutt’ ’e ddetelle pe fa’ ampresso… Aiere mme dicette: "Papa’, comme mme fa male stu dito!" e redèva. Va buo’ nce facite dà ncopp a nu vasillo ’a Pascalino, e passa ’o delóre! (Si ride).
’A sie’ Cuncetta
(al marito) Mo te ne si’ venuto pure tu cca?! Chiano chiano ’e lassammo sule a lloro…
Si’ Francisco
Sule?! Mme pare nu triato, staséra, ’a casa mia! (con gli occhi rossi di pianto) Chi se nne po’ scurdà’ cchiù!
Don Antonio
Be’, andiamo ’onna Ro’; si no overamente ce chiammano scostumate, (le offre il braccio).
’A sie’ Cuncetta
Iate… iate… Io astipo ’sta robba e scengo.
Si’ Francisco
(a voce alta, agitando una mano) E dàteve da fa’, signori miei! Chellu ppoco ca nce sta, s’à da ristrùggere! Tutto ccose.
Rosa
Nun avite paura!… (infila il braccio di don Antonio).
