v’à da benedicere, figlie mieie! (stringe le loro teste sul suo cuore) Pascali’, io te dongo nu sciore, ’o cchiù bello… ’o cchiù gentile! Nun ne truvarrìsse… (la commozione gl’impedisce di continuare)
Pascalino
(c. s.) ’O ssaccio… ’o ssaccio! Stàteve a penziero quieto: ca mm’è caro quant’è caro a buie.
’A Sie’ Cuncetta
(avviandosi) Iammo Franci’…
Si’ Francisco
(tiene sempre per la mano Margarita) Mo pozzo muri cuntento!
Margarita
(c. s.) No… papà! Nun dìcere sti ccose…
Si’ Francisco
(a Pascalino, con gli occhi pieni di lacrime) Ah, mariuole… mariuole! T’hê pigliato ’o tesoro mio, e t’aggio ’a ringrazià appriesso…
Pascalino
(sorride) Pacienzia! Nu iuorno ve ne arrubbasteve pure vuie uno…
Si’ Francisco
(a Cuncetta, che attende su la porla) Hê ’ntiso?!
