Chesta paggena è stata leggiuta du' vote e mo è fernuta.
38
Storia vecchia
’O iuorno ca t’avesse ’a perdere, io m’accido! E comme putarria campá cchiù luntano ’a Margaretella mia?! Siente a me; doppo tutto s’acconcia… S’à d’accuncià pe forza!
Margarita
(c. s.) Ma chello ca vuò fà tu è peccato, Pascalì; è nu peccato gruosso assaie!
Pascalino
(levandosi ribelle, minaccioso) No, nun è peccato! E si pure è peccato nun è d’ ’o nuosto… Nun simmo nuie! (vede venire Cuncetta, si allontana)
’A sie’ Cuncetta
(entrando di corsa) Cca sta ’acito… Ched’è? Margarì? Comme te siente?!
Margarita
(c. s.) Niente… niente…
’A sie’ Cuncetta
(respira sollevata) Ah! Mamma d’ ’o Rusario!
Pascalino
(a Cuncetta) ’O vvedite?! Site cuntenta mo?…
’A sie’ Cuncetta
(con le lacrime a gli occhi) Io?! E songh’io?!…
