- 89 U bcno a na figliolo, se mettcrriano a fatica!
Nannina. E già. Aje ragione tu! , .
Jennaro. E sì, aggio tuorto! Ma ’o munno cammina e n au-a maiicra. Quanno nce sta n’ommo che vo’ veramente bene a nvogliera, ’a trova ca non vo t>enne a isso, e fa ’a pazza!
Nannina. Embè so’ pazza! E quanno è chesto pazza voglio ro min an è !
Jennaro. No ncopp’a chesto le sbaglie! Si tu si pazza, io fadder.zzo ’e cervelle. E si non te tornano ’e cervelle....
Nannina. Me vatte? Ovè?
Jennaro. Va Ite ? Gnernò! Io ’è femmene non ’e vatto: vatto all’uommene quanno s’ ’o meretano. Ma siente a me ca t’adderizze! T’ ’o dice Jennaro Palummo ca t’adderizze!
Nannina. No, non rn’adderizzo! nò!... nò!...
Jennaro. E accosst? Donna Mariannì? Embè? volite ca ve figlio pe ’no vraccio, e ve metto mmiczo a’ strata?
Nannina. Ma vedite! Starnino a’ scola... Vi’ comme commanna... comme.... comme... (Da pe essa). ’A verità, Tornino che fa’ Tornino me piace.
Jennaro. A buon cunto che vuò fa5? Stasera vuò resta ccà?
Nannina. Ccà? Io non me resto ccà, manco si m’attacchi co ’na fune!
Jennaro. E io voglio ca rieste ccà!
Nannina. E io me ne voglio tornà a Napole! io voglio.... {Sbatte ’e piede).
Jlnnaro. Voglio, sta fora a’ porta, Nanni!
Nannina. Embè... vorria tornà a Napole!... Jennariè, me vuò fa’ sto piacere?
Jennaro. Ah, mbè! Mo va bene. Vorrisse tornà a Napole? Embè pe te fa’ vedè, te voglio fa’ contenta. Però spiegammoce. Io aggio da ji a vedè no cavalluccio a Soccavo. Chillo povero sauro, chillo povero Fasulo, me pare ch’overo no ’sta buono» L’aggio trapazzato troppo ajere e ogge. Basta me ne Vaco cuoncio euoncio.
Nannina. Soccavo sta lontano?
Jennaro. A pede no nce pozzo ji!
Nannina. E a che ora me viene a piglià?
Jennaro. A ’e doje; va buono?
Nannina. Parola toja?
Jennaro. Parola mia...
Nannina. E si manche?
Jennaro. Quanno io aggio ditto parola mia, cade ’o munno, non manco.
SCENA II.
Trase Giesommina, de mana manca.
Giesommina. Oh, finalmente. Viate chi ve vede! V’avite fatte ’e denare!
