- 93 Nannina, Sì.
Mariano. Nò e sì... Ma l’avite vista, nun l’avite vista?
Giesommina. Venite ccà, Don Maria, senttite.... (Facimmole piglia ’no poco ’e respiro a chella poverella).
Mariano. Che v’aggio ’a servì? (Guarda da cca e da là).
Giesommina. Vuje che ghiate guardanno? (’0 tene p’ ’a mano).
Mariano. Facite ampressa, scusate...
Giesommina. Mo!... ’No mumcnto... Io voleva...
Mariano. Pc carità, sié Giasommì, facite ampressa, io non saccio moglierema addò sta!...
Giesommina. Aspettate... Voleva vedè... si è overo ca ’o naso.... è stuorto (’O tene mente).
Mariano. Qua’ naso?
Giesommina. A meno non me pare... Nanni? A te che te
pare?
Nannina. ’A verità ’manco a me.’.
Mariano. Ma ch’è stato?
Giesommina. Avarrisseve ’a tenè ’o naso ’no pocorillo struzzcllato mponta...
Mariano Io... tengo ’o naso sturzellato mponta?
Giesommina. L’ha ditto Teresa.
Mariano. Overo? Va dicenno ca tengo l’uocchio ammac’ chiato e non abbasta, e mo pure ’o naso tengo... Va bbene!..’ Va bbene !... Le voglio fa vedè io s’o tengo deritto o sturzellato!...
Giesommina. Don Marià, volite portà dommeneca a Teresa a magna no piatto ’e m accani ne co me?
Mariano. Sto poco buono.
Giesommina. E ched’è, state poco buono ’a mo a ogge a otto?
Mariano. Sto poco buono. Tengo ’no rognone irritato... Lassatane ji, premmettete. Addò ’a trovo le strozzello io ’o naso!... (Se ne va)•
Giesommina. Ah, l’uommene, neh! Chella mo Teresa ’o voleva bene, s’ ’o pigliaje co passione» e chillo tanto ha fatto, e tanto farrà ca non potarrà passà chiù pe sott’a ’o ponte dfc Chiaja !
SCENA VI
Traseno da porta e mano manca Catarina e Ferdinando, Giesommina e Nonnina’
Catarina. Giesommi, tu te ne vaje co mariteto?
Giesommina (sospira). Embè ch’aggio ’a fa’! Chillo ’o cocchiere ha penzato ’e bello ’e se mbriacà. Chi t’ha dato sto mazzetto ?
Catarina. Mariteto.
Giesommina. Neh, don Ferdinà, addò ’o teniveve quanno site venuto? ’O teniveve unnascuosto?
