tate... Ca io non me fido..... Assettate..... no poco ccà vicino
a me.....
Jennaro. Nanni, si io m’assetto vicino a te! ’E cunte non ’e combino chiù... Io me trovo mancante no cantaro ’e vrenna !.....
Nannina. E non fa niente!.....
Jennaro. Tu pazzie!...
Nannina. Guè! quanno io te parlo, voglio essere guardata dinto a V uocchie.... Miette ccà... (Le scippa ’o libretieflo 9o mano).
Jennaro. No! No! pe carità!..-. Va buono!... Damme ’e carte che mo non faccio chiù niente....
Nannina. Assettate!... Uffa! sta tavola mmiczo!... Fatte ’a
chesta parte ccà...
Jennaro. Sia fatta ’a volontà d’ ’o Cielo (S’assetta).
Nannina. Guardarne nfaccia! .. Guè, non me fa’ mettere seuorno!
Jennaro. Neh ch’aggio ’a fa’? Si non te guardo, vuò ca te guardo; si te guardo, te miette seuorno......
Nannina. E guarda... accrianzato!
Jennaro. Neh, tu stasera che vuò a me?...
Nannina. T’aggio a dicere no sacco ’ e cose...
Jennaro. Eh, comme si fosse no sacco de sciuselle...
Nannina. Tiene ’a nocca storta. (Le fa ’a nocca riata vota).
Jennaro. Chesto è tutto?
Nannina. Tiene pure ’a fila storta...
Jennaro. Ma che tengo tutto stuorto?...
Nannina. Siente na cosa... Na bella cosa... (Se fa rossa ros~ sa p’ ’o seuorno e se mette ’e mmane nfaccia e ride).
Jennaro. E chcd’ è?
Nannina. (ridanno e facennose rossa). Na bella cosa— No!.-. T’ ’a dico dimane-. Mo... Mo vaco a fa’ ’o lietto...
Jennaro. E damme ’o libretto...
Nannina. Teh...
Jennaro. Miette ccà...
Nannina. Vaco a fa’ ’o licito.....
Jennaro. E va a fa’ lo lietto... (Co na santa pacienza).
Nannina. E po torno?
Jennaro. E po tuorne!
Nannina. E te dico chella cosa?....
Jennaro. E me dice chella cosa...
Nannina (mmocca a la porta). No... sa ched’è.... Mo t’ ’a dico mo!...
Jennaro. Uh, neh, tu che te faje afferrà?! Chisto è n’affare serio!
Nannina. E viene ccà...
Jennaro. Ah, che santa pacienza! (S’aiza e va vicino a sa). Jamme mo... Ched’è?....
