Paggena:Teatro - Aniello Costagliola.djvu/123

Chesta paggena è stata leggiuta.

— 113 —

⁠dalla Regia Camera della Sommaria. Il Presidente: don Giulio Genoino. Don Marzio Salesio, segretario »

(Si rinnovano i tre squilli di tromba. Comenti indecifrabili nella folla, che si sparpaglierà in varie direzioni).

Perillo (con voce ruggente, squassante:) — Accerìtele a sti spogliasante!

Ciccotonno. — Ato che banne! Ce vonno 'e scuppettate!

Spingardo. — Hanno miso 'e mmane pure 'int''a custòria 'e Giesucristo!

Caporal Giuliano (ha versato dall'anfora altro vino negli orciuoli. Ora, levando un orciuolo ricolmo:) — Su, camerati! Dio guardi e conservi l'Eccellentissimo Vicerè!

(Sbirri e soldati afferrano gli orciuoli. Ritorna e si riaccende l'ebrietà).

Ciccotonno. — A' salute d''o Vicerrè! Alò (Gli altri fanno coro).

Spingardo (è salito su la tavola. Ora, con l'orciuolo inalzato, dominando tutte le altre voci:)

— Vino tuosto e sapurito,
si' sanguegno de culore!
Ca stu popolo pentito
s'arracchiasse a tutte ll'ore!
Cammarà, chesto sceruppo
io mm''o pporto a piericchiuppo!
Mme ne sorchio nu cupiello!
Chesto è 'o sanghe 'e Masaniello!

(Risate. Acclamazioni. Tutti bevono).

Perillo. — Cammarà, ràmmice ra fa'! Menammincello a buordo st'ato poco 'e pulitura!

Caporal Giuliano. — Pulitura? Cosa l'è pulitura?

Perillo. — 'O sanghe d''o pisciavìnolo, capurà!

Miguel (sollevandosi a fatica dallo sgabelletto, e

COSTAGLIOLA - Teatro

8