Chesta paggena nun è stata leggiuta.
evidente commiserazione:) — Te chiammano Fantasia, e hanno ragione. Cheste so' fantasie!
Fantasia (scotendosi, e ritornando alla sua giocondità abituale:) — So' fantasie ca mm'aiutano a campà. E io campo speranno e perdunanno. So' monaco pe finzione, io. E so' nu monaco pazzo. Senza messa. Senza cella. Senza refettòrio. Senza lucerna. 'A messa mia so' sti stròppole appecundrose, ca vaco cuntanno p''e ccase e p''e puteche! E devote mme fanno p''o refettòrio; nu piatto cucenato e 'o vino d''a funtana surgiva, ca nun canosce mistura. 'A cella 'e zi' monaco è 'a campagna aperta, e ll'èvera è nu lietto ceniero. Mme so' lucerne 'a luna e 'o sole. E 'a speranza nun mm'abbandona maie. Neh, chi è meglio 'e me? (Ride). Fratiè, aiutammo 'a varca! Nu surdacchiello 'a semmana a vuie nun v'è niente e a me mm'è tutto! (Si cava lo zucchetto, nel quale Michele e Ninuccio fanno cadere qualche soldino). A gloria 'e San Vicienzo! Ce vedimmo ogge ad otto, si vo' Dio! Salute e bene a sta casa!
Ninuccio. — Salute e bene!
Fantasia (se ne va, ripetendo la sua cantilena abituale:)
— Canto e conto 'a storia mia,
pe na nzìria e pe campà...
Cumpatite a Fantasia!
Chesta è 'a vera carità!
Ninuccio (alzandosi e stendendo la mano a Michele:) — Io mm'abbìo.
Michele (stringendogliela:) — 'A cca a n'ata mez'uretta ce vedimmo.
Ninuccio. — Michè, te raccumanno: avisse 'a fa' scenate cu mugliereta?
