Chesta paggena nun è stata leggiuta.
(Stella e Stefano entrano. Stefano si appoggia al braccio di Stella; nella destra ha un balcone).
Stella. (entrando:) — Felice notte!
Stefano (ripete mollemente il saluto:) — 'A bellezza d''o cumpare!
Michele (cerimonioso:) — Viato chi ve vede!... Eh! Comme se dice? Amante povere, amice perdute! (Depone la pipa e porge due sedie ai nuovi venuti).
Stella. — Che n 'centra?
Stefano (affannosamente:) — 'O soprafliato!... E che puteva mancà?... Cumpà, benerico! Te si' ghiuto a mettere 'e casa 'n paraviso! Quarto piano! Asteco e cielo!
Michele. — So' fraveche antiche. Cummarè, assettàteve. Cumpà, prego.
Stella. — Grazie. Iammo 'e pressa.
Michele. — Chesto che cos'è! Accumuràteve. Aspettate 'ommacaro ca venesse Carmela: ave tanto piacere 'e ve vedè. Che saccio! 'A cummare mme pare na cumeta.
Stella. — So' gli affari, cumpariè! (Ammiccando dell'occhio:) So' gli affari!
Michele (sogguardano Stefano compassionevolmente:) — Capisco. Capisco.
Carmela (appare su la soglia. È vestita modestamente, per uscire. Porta uno scialle bianco, di seta, piegato sul
