Chesta paggena nun è stata leggiuta.
(Ora Carmela nasconde il volto nelle mani).
Michele (con eccitazione crescente, prosegue:) — Si 'on Prospero mme stima, è segno ca mm''o mmereto, pecchè fatico, pecchè ietto 'o sanghe, pecchè arrìseco 'a vita tutte 'e iuorne, pe ll'utile suio. Simmo galantuómene a tutto punto! E nun avimmo bisogno 'e priege! Nun 'o vulimmo stu priegio!
Stella (impassibile:) — E va bene.
Stefano (sorpreso:) — Cumpà! P''o sangiuvanne!...
Michele (indignatissimo:) — Che San Giuvanne e Dio mme vaie cuntanno! MMe si' cumpare, tu! Tu, ca mme puorte a muglièreta 'int''a casa, pe mme fa' fa' st'affronto?
Stefano — Ma mògliema che t'ha 'itto 'e male?
Michele. — Che mm'ha 'itto 'e male?! (Sorride nervosamente). E che capisce tu? Già: tu nun si' ommo!
Stefano (timido e risentito:) — Severeddio!
Michele. — Nun si' ommo! Pecchè, si no, nun permettarrisse ca na fèmmena parlasse accussì!
Stella (con amarezza sguaiata:) — Maramè! Comme nce nfuscammo ampresso 'e capa, neh!
Carmela (lancia un'occhiata di odio a Stella. Poi contenendosi a stenti, si alza e va a sedere nel fondo, accanto al letto. Premendosi fortemente le tempie con ambo le mani, mormora, con voce rotta dal dispetto e ambo le mani, mormora, con voce rotta dal dispetto e dalla collera:) — 'A Serpentina! 'A Serpentina!
Michele (passeggiando, concitato:) — Tutte simmo uómmene! Tutte simmo uómmene, pecchè tenimmo 'o cazone! (Soffermandosi dinanzi a Stefano, con un gesto tra di disprezzo e schifo:) — Miettatenne scuorno!
Stella (offesa, alzandosi:) — Neh! Mah, pe sapè, che maniere so' cheste?
Michele (avanzando sin presso di lei, minacciosamente:) — Statte zitta, tu! Statte zitta! E penza ca io te canosco!
Stella. — A me? A me? E fatte ascì 'o spìreto, pecchè io nun so' maritemo!
