Chesta paggena nun è stata leggiuta.
Ninuccio (contemplando il dormiente, in tono gesuitico di disprezzo:) — E così è! (A passi lenti, quasi impercettibili, si accosta alla donna e, piegandosi su le spalle di lei, le dice sommessamente:) Io ve saluto. (Ella ha un lieve moto di sorpresa; e, senza voltarsi, scrolla il capo e sospira, con pena).
Ninuccio. — E già!... Capisco...
Carmela (voltandosi e fisandolo, sdegnosamente:) — Che capite? Io nun aggio ditto niente.
Ninuccio. — Ve site spiegata ll'istesso. Vuie nun site na criatura; io so' n'ommo... Abbasta na guardata, pe ce dà a rentènnere chello ca tenimmo cca e cca (toccandosi la fronte e il petto).
Carmela (debolmente protestando, ripete:) — Io nun aggio ditto niente...
Ninuccio (insinuante:) — Nun diciste buscie.
Carmela (reprimendo un lieve impeto di stizza:) — Ma pecchè?
Ninuccio. — Vulite negà, e nun ne tenite 'a forza.
Carmela (con alquanta energia:) — Nun è overo!
Ninuccio (alle spalle di lei, contemplandola avidamente:) — È overo.
Ninuccio (senza interrompersi:) — Vuie cercate mode e maniere 'e mme nzerrà ll'uocchie, pe nun essere guardata. Ma io 'e spaparanzo, ll'uocchie. Io ve guardo e ve dico: — Carmè, vuie ve state perdenno!...
Carmela (con un sforzo evidente:) — No...
Ninuccio. — Si ve putesse credere! Ma... comme ve pozzo credere? N'avimmo parlato 'int''a cantina, p''a via; e ch'avimmo parlato a fa'? Io so' avvezzo a parlà 'n faccia. (Quasi all'orecchio di lei, misteriosamente:) Michele ve trascura.
Carmela (di scatto:) — No!...
