Chesta paggena nun è stata leggiuta.
supplicando:) Fallo pe chi tiene 'n paraviso!... Parla... (D'un tratto, imperiosamente:) Parla!
Ninuccio (debolmente:) — No...
Carmela. — Parla...
Ninuccio. — No...
Carmela. — Parla!... (Stringendolo forte e scotendolo, digrigna:) Ma nun te n'adduone ca io nun ragiono cchiù?!
Carmela (con un gesto violento di disgusto, respingendolo:) — Manco t'abbasta?!
Ninuccio. — Nun è pe chesto...
Carmela (subito, riafferrandolo:) — E allora, parla!
Ninuccio (deciso:) — Embè, sì. Nun ce vo' cumpassione pe chi mm'ha fatto cchiù peggio 'e si mm'avesse taccariato 'a faccia! Siente... (Con voce fiocca, ma disperatamente:) Siente... Io vulevo bene a na figliola, e 'a tenevo cchiù gelosa d''a vista 'e ll'uocchie. E mariteto, bello pulito, me l'ha levata e s'è mmiso cu essa.
Carmela (febbrilmente:) — Cu essa?!... Cu essa... chi?
Ninuccio. — E nun andivine?
Carmela (subito:) — Nun saccio andivinà. Chi è?... Chi è?
Ninuccio (pianissimo e circospetto:) — Chiarina...
Carmela (di schianto:) — 'A Rossa?! (Ansiosa, per non perdere sillaba della confessione di Ninuccio, si stringe con veemenza a lui: i loro aliti si confondono).
Ninuccio (precipitando le parole nella concitazione saliente:) — Io sulo a chella tenevo! Pe Chiarina avevo lassato 'a mala vita e nun mm'ero nzurato. Doppo 'a bonànema 'e màmmema una femmena esisteva, pe me: 'a rossa. E mariteto... sa' che mm'ha fatto, mariteto? Mm'ha rappresentato a ll'uocchie 'e Chiarina comm'a nu ribusciato. Ll'ha fatto capì ca io faccio 'o sbafante e manéo 'a lira e spacco e peso 'int''o Monte, pecchè sorema sta sotto 'a prutezione d''o
