Chesta paggena nun è stata leggiuta.
'ngannata pe t'avè! E t'ha cugliuta! T'ha cugliuta cu na 'nfamità!
Carmela. — È overo!
Michele. — È na nfamità!
Carmela. — Nun vuleva parlà: so' stata io ca ll'aggio furzato.
Michele. — Sapeva 'e se ngannà ll'anema.
Carmela. — Mme ll'ha giurato.
Michele, È nu sacrilegio! (Come una confessione solenne:) A una femmena aggio canusciuta: a te!
Carmela (incredula, sogghigna:) — Ah ah!
Michele. — È 'a verità!... Ncopp'a ll'anema 'e mammema morta... pe chella criatura ca sta 'int''e schiere 'e ll'angele... ncopp''a custòria 'e Giesucristo, è 'a verità!... E tu?... tu?... Iurelo pure tu...
Carmela (esitante:) — Io?... (Risoluta, in un grido energico e affannoso:) — No!
Michele (al colmo del furore, urla:) — Ah!... Mm''o ddice 'n faccia!... Mm''o ddice 'n faccia!... (e fa per avventarsi su lei). P''a Maronna!...
Carmela (perduta, spalanca la porticina dello stambugio, entra e chiama dentro, precipitosamente:) — Core 'e mamma!.. Aiutateme!... Aiutateme!... (La voce le si spezza. Si ode un rumor sordo, come di un corpo che cada).
Michele (retrocede, spaventato, inorridito:) — No!... Nun 'e cchiammà!... Nun 'e cchiammà!... Mme metto paura!... (Disperatamente, si passa prima le mani nei capelli e sul volto, poi si morde le dita e le pugna: il suo aspetto è sconvolto, livido, terrificante. Egli torna ad imprecare, con voce mozza, nella quale ruggisce tutto il suo essere:) Maria Santissima!... Mm''o dice 'n faccia!... Mm''o dice 'nfaccia!
La voce di Cenzeniello. — Mammà!...
La voce di Sciurillo (stride, piange:) — Mammà!... Mamma mia!... È stato papà!... È stato papà!...
