Paggena:Teatro - Libero Bovio.djvu/101

93

UN ATTO

voce di stizza e di pianto.) E comme, — me diciste: Culumbrì, bella mia, manco mez’ora e torno; quanno te spengo stu carrì c’aggio truvato miezo chiazza Franzese. Saccio ca si senzibbele: te voglio rialà nu ranato, nu rappulillo d’uva passa, e ’na testa d’aruta pe’ quanno t’affacce foro barcunciello…?! (scuotendolo) Nun ò ové?…

PULCINELLA

(le braccia incrociate, il feltro nelle orecchie, la guarda e non risponde.)

COLOMBINA

E aspetta….. e aspetta…. (torcendosi le mani) e aspetta n’ora, doi ore, tre ore… Chi t’’o dà cchiù a Pulicenella?… Scuraie notte… s’appicciaieno ’e lume a uno a uno miez’’o ll’ario ’o Castiello… Cuminciaie a chiovere chiano chiano… M’arriparaie sotto San Carlino… Arrivaie don Pascale de Angelis cu ’a freva ’ncuollo, e cu ’a capa dint’’o sciallo… ”Don Pascà — avisseve visto a Pulecenella?„ — Nun pe rispunnette nemmeno… Passaie ’o zuccularo, e me dicette: ”Sevêri vosti, Culumbrì, — ’na trubbea sta pe’ ll’aria: ’o masculone vuosto ha rialato nu rappulillo d’uva passa, nu ranato e ’na testa d’aruta a la figlìasta de la siè Stella„… — Sciù pe’ la faccia toia!… Scuorno ne tiene ’nfaccia? Sanghe ne tiene dint’’e vvene?… Si’ cristìano o si turco?…

PULCINELLA

(portando la mano, aperta, sul petto:)

Sò cristiano… e sò muorto!…