Chesta paggena è stata leggiuta du' vote e mo è fernuta.
97
UN ATTO
COLOMBINA
(con terrore)
Miez’’e diavule cu ’e ccorne? — Nun sia maie!…
PULCINELLA
L’atriere me sfasteriaie e dicette: San Piè, faciteme scennere duie tre ghiuorne ’nterra, quanno veco a muglierema che l’ê succieso…
COLOMBINA
(accarezzandogli il mento e intenerendosi)
Maretiello mio, assanguato e geniale…
PULCINELLA
”Ti sia concesso„ dicette San Pietro. Arapette ’o purtone e me facette scennere. Ma chello c’aggio passato pe’ te î’ truvanno sulo don Ciccio Mastriane t’’o putarria cuntà… (ha un breve singhiozzo.)
COLOMBINA
(scuotendo il capo, — con voce velata dalle lacrime)
A me ’o Signore nun m’ha vuluta!… M’ha casticato, accussì, manco si avesse fatto tutt’’e peccate d’’o munno!
PULCINELLA
(contemplandola, — con tristezza:)
Comme te si’ sciupata!… Tenive chillu rrusso ’nfaccia!
