Chesta paggena è stata leggiuta du' vote e mo è fernuta.
105
UN ATTO
PULCINELLA
Stracquo e sbattuto, aggio ditto nfra me e me: Voglio lottare contro questa mia fortuna scaurata! Voglio fa’ comme dicette il primo figlio di Cristombolo Colofaro, chiamato Torquato Tato: ”Vis vitam meam — Quosche abuteris patientiam meam!„ E m’aggio miso la testa fra le code, e da bascio Santa Lucia sò sagliuto nfi’ a la cità… E j’ te ievo truvanno e nun ’ngarravo ’e strate… Scurava notte. — Tutto nzieme, â scampaniato ’o Carmene…
COLOMBINA
È bella e cummuvente!…
PULCINELLA
E accussì, pe’ ddereto ’o Muolo piccolo, songo asciuto a Piazza francese, e ’a llà me songo truvato miezo ’o llario ’o Castiello… Me sò avutato attuorno e nun aggio canusciuto niente… Aggio spiato a ’na femmena: Ma chisto è ’o llario ’o Castiello? — M’ha reduto ’nfaccia. Sò trasuto dint’’a nu cafè: me n’hanno cacciato… Me so’ visto sbattuto… abbeluto… perduto… E ll’uocchie guardavano sempe attuorno… E cercavano… cercavano… Ma addò sta ’o Strasburgo?… Ma addò sta ’o Sebeto… ’e Fullie?… ma addò sta San Carlino?… (si leva, getta via il feltro, e, agitando le braccia in alto, con un lungo singhiozzo, grida:)… Ah, Napule, Napule, Napule mia!…
