Chesta paggena è stata leggiuta du' vote e mo è fernuta.
170
'O PRUFESSORE...
MATTIA
(come balbettando, e tenendola stretta per le braccia)
’O vuò bene?…
NUNZIATINA
Nun già ca ’o vulesse bene… Chillo è comme a me!
MATTIA
E i’ pure… Sienteme… Ero nu galantomo: mo no cchiù!… Sò comme a ’Mbomma… comme a Serrafina… comme Avitabile… comme Ascione…
(come allontanando col piede l’immondizia:)
Tale e quale. No. Peggio ’e lloro sò io…
(sollevandole il volto con la mano)
E me vuò bene?
NUNZIATINA
(quasi piangendo, stavolta:)
Che vuò ’a me? — A chi aggia vulè bene io? — Lassaie ’a casa ’e mamma, pecchè nce trasevano ’e marenare ’mbriache ’a notte… e i’ me mettevo appaura… E ’a tanno a mò… sola… accussì,.. correttianno notte e ghiuorno… Che vuò ’a me?
MATTIA
Niente… Ca nun te ne vaie: chesto voglio…
(si stringe a lei come un fanciullo senza difesa)
