Chesta paggena è stata leggiuta du' vote e mo è fernuta.
172
'O PRUFESSORE
NUNZIATINA
Nzu! Te miette paura… Ca si no t’avesse vuluto bene…
(Dal vicolo sale la canzone di malavita. È la comitiva ubbriaca che canta:)
Sò Bammenella 'e copp' 'e quartiere,
e tutta Napule faccio parlà,
quanno annascuso, pe’ vicule, a’ sera,
ncopp’’o pianino me metto abballà…
Veco abbulanza, e ’int’ ’a niente me squaglio,
e si m’afferra me torna a lassà,…
ncopp’ ’a quistura, si ’e vvote nce saglio,
è pe’ furmalità…
Cu ’a bbona maniera
faccio cadè ’o bricatiere:
piglio e le vengo ’o mestiere,
dico ca ’o tengo ccà!…
’O zallo s’ ’o mmocca,
ll’avota ’a boccia e s’abbocca,
ma nun appena me tocca
me n’haddà mannà…!
MATTIA
(le salta al collo. Il lumicino cade, — cadono le sedie. La lotta è breve, affannosa, terrificante. Si mordono, si graffiano, cadono, si rialzono. Egli affanna, urla, singhiozza; ella si difende con violenza.)
