No cchiù tarde d’aiere ’a truvaie dinto studio ’e de Cesare…
(fissando una tela sulla quale è riprodotta la madre di de Muro…)
Madonna! Una faccia tu e mammeta. E pure ’a voce nce sumiglia. Cierti vote tale e quale.
DE MURO
(senza badargli:)
Aiere ’a truvaste?
CIMAROSA
T’aggio ditto: aiere. E chi ’a cunusceva cchiù? Mo marcia alla moda — a ’o dernier crie. Vestite ’e Parige… brillante a ’e recchie, a ’e mane, e parla pure frastiero…
(senza levar gli occhi dal ritratto della madre di de Muro:)
Vuò fà n’affare?
DE MURO
(subito ed aspro)
No, chillo nun ’o venno.
CIMAROSA
(continuando, senza scomporsi)
Brillante a tutte pizze… cu nu cappiello ca pare nu ciardino: tutte rose…
(una piccola pausa)
’Ê fatto proprio buono ca l’ê lassata… Chell’era nata pe’ ffà ’a…
