Chesta paggena è stata leggiuta du' vote e mo è fernuta.
Io mo vurrìa sapè tu che ce truove 'e bello cu Tore... Fa buono isso ca te vatte e se magna 'e ccarne toie.
E che si' meglio 'e Tore, tu?... Tu nun t''e' mpignate 'e rrusette 'e Rusella?.... Ll''e' rummasa senza manco n'aniello pe s''o mettere a 'o dito!...
È overo ca m'aggio mpignato 'e rrusette; ma ammacaro io 'e denare mm''e bevo... Ma Tore 'e lleva a tte, p''e ddà...
A chi?
E va nce 'o spie.
E tu nun 'o ssaie?...
Io nun faccio 'o sbirro 'e pulezia...
E allora nun è overo, nun te credo... Si' nu busciardo...
