'sta specie 'e... Mme spiego? Già: nuie ce capimmo a sische.
Totore mme prutegge, è overo; ma senza siconde fine, comm'a cierte ate. Io, 'on Furtunà, cammino p''a via deritta. 'A via storta 'a sanno 'e ffemmene ca vuie prutiggite: chelle ca se vanno a battere 'n pietto, 'o martedì, a Sant'Anna 'o Rifugio, pe prià a Sant'Anna ca nun lle facesse perdere 'o nnammurato.
(Con ira). Nun taccariate cu sta vocca! Nun mettite carne e cocere! (È per inveire contro Cannetella).
(Trattenendolo) 'On Furtunà! (A Cannetella) Iate scavanno cierte muorte, vuie!
Nun so' stata io. Quanno 'a verità dispiace, cusìmmece 'a vocca.
(A Furtuanto) Ma pecchè ve vulite fa' 'o sanghe acito?
(Respingendolo bruscamente) Lète 'a lloco! (A Cannetella). Io nun tengo nisciuna catena
