Chesta paggena è stata leggiuta du' vote e mo è fernuta.
Va, va. C'aspiette? (Nannina va via, correndo).
Matalè, io nu' v'abbasto a ringrazià! Chello ca facite pe me, 'o Signore v''o renne ncopp'a chelli ccriature voste!
Sentite, 'onna Ro'. Cca Vito vene certo. E 'o mmeglio è ca nun se truvasse facce affronte cu Taniello.
Vuie che dicite?! Io, si ce penzo, tremmo tutta quanta!...
Be'!... Pe mo, quaccosa s'è fatta. Nannina ghiuta 'avvisà a Taniello. E mo io faccio n'ata funzione: vaco addo Filumena, 'a mamma 'e Taniello, e lle dico ca se tenesse 'o figlio a' casa, pecchè Vito è asciuto da 'e ccarcere, e po succedere n'aggrisso...
E Margarita? Pecchè l'avite mannata a chiammà?
