Don Marco
(uscendo con le lanterne e accorgendosene)
Oi piccerella! Deh, vieni sul mare!
Nella barchetta, deh, vieni, deh vieni!
Oi piccerella!...
(S'avvia al Cristo e sale sulla sedia)
Vito
I’ comme stammo allero! Accussì ve voglio!
Don Marco
Embè, c’avimmo fa? Ce preparammo ’a voce pe stanotte. (Stroppiccia uno straccetto sui lanternini e mano mano li appende) ’On Vi’, na quinnicina d’anne fa, nun è pe mm’avantà... ma, ve dico a vuie ca mme putiveve sentì... (cantando) "Ah! dillo ancora! Se tu m’ami!..." (scrocca) ’A vecchiaia è amara, on’ Vi’! (attacca l’ultimo lanternino e si volta) E buie nun ghiate a Piererotta? (scende e rimette la sedia davanti alla sua bottega).
Vito
Embè nun ce ievo? Vuie cu chi iate?
Don Marco
(tornando con un lanternino)
A ghi’ vaco sulo. Ma po’ llà bascio trovo a na cumpagnia d’amice antiche, amice d’ ’o quarantotto...
