Chesta paggena è stata leggiuta du' vote e mo è fernuta.
13
atto primo
Sufia
(a Rafele)
Ma lle vene sempe, sta mossa?
Rafele
Lle vene quanno... ll’ha dda venì. Si mme stesse a sentere a me, forze forze, ve dico a buie ca starrie pure buono. Ma quanno chillo, a l’aità che tene, tene ancora ’a capa ’e nu guaglione! Già, pe me nun è stato maie ommo ’e carattele. È buono a fa bu bà, e pò se fa mettere ’e piede ncapo ’a tuttu quante.
Sufia
Ave raggione.
Rafele
E tenitelo mente, comme s’è fatto! Vuie v’ ’avite ricurdà, che piezzo ’e guaglione ca era!
Sufia
Overo, ch’era bello! Nu piezzo ’e giovene, chiatto, russo...
Assunta
I’ chessà! Mo mme pare comme si se fosse arrugnato!
