Chesta paggena è stata leggiuta du' vote e mo è fernuta.
| 230 | 'o mese mariano |
Don Gaetano
Don Gennà! Prosit!
Don Gennaro
Cavalie’, scusate...
Don Gaetano
Avite appicciata chesta pippa!
Carmela
Signurì perdunate, aggiate pacienza. Chillo, ’on Gennaro m’ha crisciuta, se po di’: mme canosce ’a piccerella... E io steva proprio speruta d’ ’o vedé!
Don Gaetano
E io sto speruto ’e sapé vuie che vulite!
Carmela
Avite raggione... (si fruga in petto e cava una carta) Liggite ccà.
Don Gaetano
(leggendo)
«Giuseppe Esposito, di anni sette, ricoverato nell’Albergo dei Poveri, terza camerata...» Be’? (distratto conseva la carta in saccoccia).
